Milani dhe AEK-u i Athinës janë ndarë në paqe, pasi pas 90 minutave lojë ndeshja ka përfunduar me barazim pa gola 0-0.
Skuadra e Vincenzo Montellas assesi të këndellet dhe të vazhdoj me formë të mirë dhe fitore në kampionat dhe Ligën e Evropës.
Formën e luhatshme dhe jo të mirë e kanë treguar edhe në udhëtimin e fundit në ndeshje ndaj grekëve të AEK-ut, e cila përfundoi pa gola.
Në pjesën e parë rasti më i mirë i ndeshjes ishte ai i minutës së fundit, kur Rodrigo Galo merr një pasim të mirë dhe lëshon një raketë nga distanca, por përpjekja e tij e mahnitshme shkon larg portës.
Edhe pjesa e dytë ishte e njëjtë me pak raste të krijuara për gol nga të dy skuadrat, të cilat më shumë luanin në mesin e fushës.
Rasti më i mirë ishte ai i minutës së 57-të, kur Manuel Locatelli dha një top të mirë për Ricardo Montolivon, por goditja e tij u ndal vetëm nga shtylla pingule.
Pas këtij barazimi, Milani vazhdon të jetë lider i grupit me tetë pikë të mbledhura, ndërsa AEK-u renditet në vendin e dytë me gjashtë pikë.
Në ndeshjen e ardhshme, Rossonerët luajnë në shtëpi ndaj Austria Viennas, ndërsa grekët e presin Rijekën në shtëpi. /Telegrafi/