Materie toksike në veshjet sportive

Tek 14 prodhues botërorë të veshjes janë gjetur gjurmë të kemikaleve të dëmshme për shëndetin e njeriut dhe mjedisin jetësor.

"Grinpis" ka bërë një studim dhe tek të gjitha brendet më të njohura ka gjetur kemikalin e famshëm të njohur si "Nonifenol etoksilat". Ky kemikal përdoret si detergjent në industrinë e prodhimit të materialeve natyrore dhe sintetike dhe përveç se është toksik, ka aftësi të ‘imitojë’ praninë e hormoneve të femrave dhe ndikon në sistemin e riprodhimit tek njerëzit. Thuhet se madje edhe doza më e vogël nga ky kemikal mund ta shkatërrojë tërësisht shëndetin e njeriut.

Analiza është bërë mbi 78 veshje, të blera në 18 shtete, kurse kryesisht janë prodhuar në Kinë, Vietnam, Malajzi dhee Filipine.

Brendet ‘Adidas’, ‘Calvin Klein’, " Ralph Lauren’, ‘Coverse’, ‘Nike’, ‘Puma’ e brende të tjera janë shpallur se përmbajnë materie toksike në përbërjen e veshjes.

Pas këtij lajmi dhe pas hulumtimit që ka shpallur "Grinpis" në të gjitha mediat botërore, përgjigje dhanë vetëm kompanitë ‘Nike’ dhe ‘Puma’ të cilat premtuan se deri në vitin 2020 do t’i heqin të gjitha materialet kimike nga prodhimtaria e veshjeve. Për brendet e tjera konsiderohet se kjo do të jetë një goditje e madhe që do të shkaktojë ulje në shitjen e prodhimeve të tyre. /Telegrafi/