Maqedoni, operatori Vip prej sot është A1

Prej sot edhe zyrtarisht operatori Vip është A1.

Siç mund të vërehet, nëse hyn në web-faqen zyrtare në vip.mk automatikisht të çon tek web-faqja a1.mk.

Në njoftimin e publikuar në web faqen e A1 shkruan se brendi Vip tashmë është ribrenduar në A1.

“Duke konsoliduar pozitën e vet, A1 Grupacioni Telekom Austri është e pranishme në shtatë shtete të rajonit, Vip-i e paraqiti brendin e ri të kompanisë A1. Në ngjarjen e ribrendimit të pranishëm ishin, Drejtori kryesor i A1 Grupacioni Telekomi Austri, Tomas Arnoldner, drejtori kryesor i A1 në Kroaci dhe Maqedoni, Jurzhi Dvorjançanski dhe Misllav Galer, e paraqitën brendin e ri A1, duke cekur poentat kryesore me gjithë procesin e ribrendimit, planet e ardhshme të kompanisë dhe ofertat më të mira”, thuhet në njoftimin e kësaj kompanie.

Marrëveshjet që kanë qenë me operatorin Vip mbeten të njëjta dhe në fuqi dhe se nuk është i nevojshëm ndryshimi i sim kartelave dhe pajisjeve tjera.

Kompania tashmë ka ndryshuar emrin, logon dhe pamjen e objekteve por edhe aplikacionet si ‘Mojot Vip’ dhe oferta ‘Vip Combo’ janë shndërruar në ‘Mojot A1’ dhe ‘Vip Combo’.

Grupacioni Telekom Austri tashmë është prezente në shtatë shtete si Austria, Bullgaria, Kroacia, Sllovenia, Bjellorusia, Maqedonia e Veriut, Serbia. Të hyrat në fund të vitit për këtë kompani kanë qenë rreth 4.47 miliardë euro./Telegrafi/