Maksuti-Frank: Bashkëpunimi bilateral në mbrojtje me Austrinë është në nivel të lartë

Bashkëpunimi bilateral në mbrojtje mes Republikës së Maqedonisë së Veriut dhe Austrisë është në nivel të lartë. Kështu ishte konkluzioni e takimit të sotëm në Shkup i zëvendësministrit për Mbrojtje, Bekim Maksuti dhe drejtori për politikë mbrojtëse në Ministrinë e Mbrojtjes së Austrisë, Gjeneral-major Johan Frank.

Nga Ministria e Mbrojtjes njoftuan se zëvendësministri Maksuti ka theksuar se procesi i ratifikimit të protokollit shkon shpejtë dhe se shpreson se Bashkimi Evropian do të sjell vendim pozitiv për nisjen e bisedimeve, duke marrë parasysh progresin që është bërë, njofton Telegrafi Maqedoni.

“Austria është një ndër shtetet më të rëndësishme për ne dhe ju falënderoj për gjithë mbështetjen në procesin e reformave dhe zhvillimit, posaçërisht në fushën e mbrojtjes”, ka thënë Maksuti, duke shtuar se reformat mbrojtëse po shkojnë mirë dhe se kjo është rezultat i mbështetjes nga vendet partnere dhe mike si Austria.

Gjenerali austriak ka vërtetuar përkrahjen e Austrisë për nisjen e bisedimeve të Maqedonisë së Veriut me BE-në dhe ke shprehur se vendet anëtare do të arrijnë konsensus për nisjen e bisedimeve me Maqedoninë e Veriut./Telegrafi/