LSDM: Shporta sindikale u rrit për 772 denarë, qytetarët paguajnë për paaftësinë e pushtetit

Shporta sindikale për muajin nëntor 2024 arriti në 62.021 denarë tronditës, me një rritje prej 772 denarë në krahasim me muajin paraprak. Kjo rritje është vetëm një tregues tjetër se politikat e gabuara dhe kokëfortë të qeverisë së udhëhequr nga Mickoski po i shtyjnë qytetarët në prag të qëndrueshmërisë ekonomike, thuhet në reagimin e LSDM-së.

“Çmimet e ushqimeve dhe produkteve bazë po rriten çdo ditë, ndërsa pagat janë në stagnim dhe nuk ka asnjë masë nga Qeveria. Qytetarët e kanë gjithnjë e më të vështirë mbulimin e shpenzimeve elementare. Familjet janë të detyruara të heqin dorë nga nevojat që deri dje ishin elementare. Kjo nuk është një jetë e denjë për një njeri. Ky është rezultat i paaftësisë së qeverisë dhe injorimit të problemeve me të cilat përballen çdo ditë qytetarët.

LSDM shpreh shqetësimin e thellë për varfërimin e popullit dhe papërgjegjshmërinë e pushtetit, i cili vazhdon t’i vendosë interesat partiake mbi nevojat e qytetarëve. Qeveria e Mickoskit jo vetëm që nuk merr masa konkrete për uljen e goditjes në çmim, por me pasivitetin dhe paaftësinë e saj e përkeqëson edhe më shumë situatën”, thonë nga LSDM.

LSDM, thonë nga atje, tashmë ka propozuar dy masa konkrete dhe efikase që mund të sjellin menjëherë ndihmë reale për qytetarët:

“Heqja e TVSH-së për produktet ushqimore bazë, e cila familjeve do t’i kursente 2000 denarë në muaj.

Rritja e pagës minimale në 450 euro, e cila do të sigurojë dinjitet minimal për punëtorët”, shtojnë nga atje./Telegrafi/