Lindoni flet rreth ndarjes nga Adrian Gaxha

Ashtu siç Telegrafi paralajmëroi ditë më parë, Lindon Berisha është në përgatitje të një projekti të ri muzikor.

Një fotografi e këngëtarit në rrjete sociale ku paralajmëronte se në këngën e re do të vijë solo, bëri që mediat të aludojnë për një ndarje të mundshme mes tij dhe dyshes Adrian Gaxha dhe Florian Beqiri, me të cilët artisti i ri është bashkuar që nga fillimi i vitit 2015.

I kontaktuar nga Telegrafi Lindoni mohoi këto lajme duke thënë se vazhdon të jetë pjesë e kompanisë “BrickRecords”.

“Projekti i ri për të cilin jam duke punuar është solo, por kjo nuk do të thotë që jemi ndarë, ne vazhdojmë të punojmë si një ekip dhe do të sjellim edhe në të ardhmen bashkëpunime sërish, por natyrisht se kemi edhe projektet tona vetanake për të cilat po ashtu punojmë bashkë me shumë përkushtim”, tha artisti duke treguar se treshja e famshme së bashku do të performojnë të shtunën në një mbrëmje në Zvicër dhe se nuk bëhet fjalë për asnjë ndarje mes tyre.

Ndryshe projekti i ri i Lindonit, vjen pas tri bashkëpunimeve shumë të suksesshme me Adrianin dhe Florianin dhe pritet që për një kohë shumë të shkurtër të jetë gati për publikim./Telegrafi/