Liga Premier me rregulla të reja nga sezoni i ardhshëm, Klopp kishte kërkuar disa të ndryshohen

Liga Premier ka prezantuar një ndryshim shumë të rëndësishëm në rregullore prej sezonit 2023/2024.

Sipas rregullave të reja, një ekip nuk do të lejohet më të luajë dy ndeshje në më pak se 48 orë diferencë, gjë që ndodhte shpesh gjatë Krishtlindjeve dhe Vitit të Ri.

Përveç kësaj, skuadrat do të shkojnë në pushim nga data 13 deri më 20 janar në mënyrë që lojtarët të pushojnë pak.

“Ne nuk mund të stërvitemi. Kemi vetëm rigjenerim dhe përgatitje për ndeshjen e ardhshme. Boxing Day është një traditë e madhe, por është absolutisht e pamundur të luash lojëra në 26 dhe më pas në 28 dhjetor”.

“Nuk mund ta besoj se është ende normë në Angli. Nuk e kam problem të luaj më 26 dhe 29 dhjetor”, kishte Jurgen Klopp vitin e kaluar.

Lutjet e tij tani kanë marrë përgjigje dhe ekipet nuk do të luajë çdo dy ditë.

Liga Premier ka shpallur edhe datat e fillimit dhe përfundimit të sezonit të ardhshëm, pas të cilit kampionati evropian do të luhet në Gjermani.

Sezoni i ri do të nisë më 12 gusht dhe do të zgjasë deri më 19 maj dhe më pas do të nisin grumbullimet e kombëtareve. /Telegrafi/