Liga e Parë, telashe për FFK-në!

Derisa java e 5-të në Superligë u cilësua si dëshmi që futbolli po e kthen shkëlqimin e vet, është Liga e Parë ajo që po ia humbë atë. Java që lamë pas duket të jetë njëra ndër javët më të zhurmshme në këtë kategori garash.

Në katër ndeshje kishte tollovi, madje në disa prej tyre edhe u sulmuan fizikisht gjyqtarët. Në Kaçanik, në ndeshjes, Lepenci – KEK-u, kryetari i grupit të tifozëve “Fikshat”, ishte futur në fushë dhe kishte sulmuar fizikisht gjyqtarin kryesor.

Përveç tij në këtë tollovi kanë marrë pjesë edhe kryetrajneri i Lepencit, Bardhyl Burrniku, futbollistët Burhan Dema, Besmir Xhika si dhe sekretari i klubi, Shemsedin Abazi.

Ndërsa në ndeshjen Dukagjini – Istogu në fundin e saj është krijuar tollovi, ku ishte tentuar sulmi ndaj gjyqtarëve, por edhe lojtarëve mysafirë. Për këtë shkas është hapur procedurë ndaj skuadrës së Dukagjinit, si dhe lojtarët Visar Haxhiaj e Edmond Zallaj.

Në disiplinor do të jetë edhe futbollisti i Istogut Mark Milicaj. Nën hetime është edhe skuadra e Ulpianës për organizim të dobët të ndeshjes kundër Llapit, si dhe Liria e Prizrenit për lëshime në organizim të ndeshjes me Gjilanin. /Zëri/Telegrafi/