Në Klinikën Emergjente të Qendrës Klinike Universitare të Kosovës stafi po ballafaqohet me probleme, në rastet kur pacientëve të shumtë u kërkohet t’i kryejnë analizat laboratorike. Laboratori aty, është menduar të jetë për rastet emergjente.
Por, pavarësisht kësaj, sipas doktorit Agron Muçolli, përgjegjës për laboratorin emergjent, shumica e analizave që kryhen aty, janë raste “të ftohta” (jo emergjente), ç’gjë, sipas tij, e pamundëson realizimin e punës në mënyrë adekuate nga ana e laborantëve aty.
“Brenda ditës kemi deri në 150 raste e që është frekuencë e lartë. Kemi edhe testet urgjente që punohen, si infarkte, e të ngjashme. Ky është shërbim kujdestar, mirëpo është i stërngarkuar me raste jo emergjente, që ua zënë radhën atyre që janë vërtet raste emergjente, por që duhet të presin të hyjnë në serinë e punës. Kjo është një mbingarkesë e madhe”, thotë Muçolli.
Rastet jo emergjente, thekson ai, vijnë me udhëzim të mjekut, andaj edhe laborantët nuk mund t’i refuzojnë.
“Po ashtu, edhe kushtet e punës në laborator nuk janë si duhet. Por, brenda mundësive, sipas përgjegjësive, mundohemi t’i realizojmë të gjitha analizat laboratorike. Aparatura është mjaft e vjetërsuar dhe e amortizuar”, thekson Muçolli.
Në anën tjetër, Shemsi Vesli, anëtar i Bordit drejtues të Shërbimit Spitalor Klinik Universitar të Kosovës thotë për Radion Evropa e Lirë se duke e marrë parasysh rëndësinë e laboratorëve, ku në fakt është hapi i parë për nisjen e trajtimit të pacientëve, aty do të duhej të kishte pajisje të fjalës së fundit të teknologjisë.
“Është i stëngarkuar laboratori i Klinikës së Biokimisë, e sidomos ai i Emergjencës. Aty bëhen analiza të ndryshme dhe ka kërkesa që nuk janë në përputhje me sëmundjen. Kemi problem edhe me klinika, e që këtë shqetësim e kam ngritur edhe në instancat më të larta”.
“Unë mendoj që një ndër prioritetet është që të përkrahet diagnostika dhe duhet të jetë fjala e fundit e teknologjisë, pasi këtu diagnostikohet pacienti”, thekson Veseli.
Sipas Veselit, aktualisht në këtë laborator po punohet me aparaturë të stërvjetruar që nuk i përmbush standardet e Organizatës Botërore të Shëndetësisë.
“Fluksi është shtuar shumë pasi që jemi pajisur me reagentë(material i nevojshëm për kryerjen e analizave laboratorike). Standardi i ulët i qytetarëve bën që fluksi të jetë i papërballueshëm, pasi që në Qendrën Klinike Universitare të Kosovës shuma që paguhet për këto analiza, krahasuar me spitalet private, është simbolike”, shprehet Veseli.
Klinika Emergjente është qendër terciare referente për tërë Kosovën. Ndonëse e tillë, ajo në vazhdimësi është përballur me probleme të ndryshme, si mungesë barnash nga lista esenciale, mungesë stafit të mesëm, si dhe mungesë e hapësirës së nevojshme për trajtimin e pacientëve. Fluksi i pacientëve aty, siç thonë profesionistë shëndetësorë, shpeshherë është i papërballueshëm. /rel/Telegrafi/
Lufta Prigozhin - Putin
Më shumëKonjufca: Dialogu ndodhet në një qorrsokak, Banjska ishte gozhda e fundit në arkivol
Kallëpe dhe enë nga periudha e bronzit, zbulime të reja arkeologjike në Hisar
Haradinaj: Kurti po largon Kosovën nga aleatët, presidentja bashkëpërgjegjëse
Kurti takoi kryetarin e Leposaviqit, flasin për qeverisjen e deritashme
30-vjeçarja përpin aksidentalisht një gjilpërë, shpëtohet nga ekipi i Pulmologjisë
Gashi: Legjislatura aktuale, qeverisja më e dobët në historinë e Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar