Kumbulla: Te Roma jemi të bashkuar, Dzeko kapiteni ynë

Mbrojtësi shqiptar i Romës, Marash Kumbulla, ka folur për aventurën e tij te Roma, duke thënë si i ka bërë përshtypje të mirë ambienti në klubi dhe kapiteni Edin Dzeko.

Giallorossi ka marrë katër pikë nga tre ndeshje, pasi kanë humbur një ndeshje në tavolinë në fillim të sezonit.

“Me siguri që më pëlqen dhoma e zhveshjes, ne jemi të bashkuar. Është mirë të bësh shaka dhe të qeshësh, por ka edhe momente serioziteti. Kjo është ajo që më goditi më shumë”, ka thënë Kumbulla për Sky Sport Italia.

Chris Smalling është kthyer në Romë, por shkaku i një dëmtimi nuk do të luajë ndaj Beneventos të dielën dhe Kumbulla pritet të luajë ndeshjen e tij të tretë.

Ai thotë se mëson shumë duke luajtur kundër sulmuesve të Romës në stërvitje dhe lavdëroi boshnjakun Edin Dzeko, i cili dukej se do të kalonte te Juventusi muajin e kaluar.

“Dzeko është shumë i vështirë për t’u markuar në stërvitje, por ai më ndihmon shumë për t’u përmirësuar. Të kesh lojtarë si ai për të ruajtur në çdo seancë vetëm mund të më përmirësojë”.

“Mendoj se ai është mirë, stërvitet plotësisht dhe është një shembull për të gjithë ne. Ai është kapiteni ynë, e shoh që është shumë mirë dhe jam i sigurt se do të dalë mirë të dielën ose në ndeshjet e ardhshme”, ka thënë Kumbulla.

Në fund mbrojtësi shqiptar lavdëroi edhe drejtuesit e klubit që janë gjithmonë të pranishëm në qendrën stërvitore Trigoria. /Telegrafi/