Krizë e thellë në spitalet e Hungarisë, mijëra punonjës braktisin punën

Mijëra punonjës të spitaleve në Hungari kanë dhënë dorëheqje për sa i përket kushteve të kontratave të reja shtetërore ndërsa vendi lufton me një numër të madh rastesh dhe vdekjesh.

Qendra Kombëtare e Shërbimit të Kujdesit Shëndetësor (OFKO), grupi që administron spitalet shtetërore, tha se “95 për qind e 110 mijë punonjësve të shëndetit publik nënshkruan kontratën” përpara afatit të 1 marsit, raporton theguardian.

Kjo lë rreth 5,500 punëtorë që nuk pranuan të nënshkruajnë kontratën e re, në një kohë kur Hungaria përballet me rritje të shpejtë të numrave të infeksioneve dhe vdekjeve.

Kreu i OFKO-së, Zoltan Jenei u përpoq të qetësonte frikën për standardet e kujdesit në spitalet e vendit, duke u thënë gazetarëve se “ka çdo garanci që standardi i kujdesit në çdo pjesë të vendit do të mbetet i njëjtë si më parë dhe madje mund të përmirësohet”.

Shumë punëtorë nuk morën pagë shtesë mbi pagat bazë, për shembull për ndërrimet e natës. Legjislacioni i ri gjithashtu ndalon personelin e spitalit që të marrë punë të dyta në klinikat e specializuara. /Telegrafi/