Kritikët zgjedhin filmin më të mirë për vitin 2016 (Video)

Filmi muzikor “La La Land” i Damien Chazelle nga Los Angeles, u shpall filmi më i mirë i vitit 2016 nga kritikët e filmit në New York, shkruan KultPlus.

Grupi njoftoi zgjedhjen e tyre të enjten në Twitter, duke shpërndarë çmimet e tyre në një shumëllojshmëri të pretenduesve për Oscar. Çmimi i lartë erdhi si një kthesë pasi zgjedhja e mëhershme e kritikëve shkonte drejt Barry Jenkins me “Moonlight” dhe drama e Kenneth Lonergan, ” Manchester by the Sea”, shkruan ABC News.

Filmi më i mirë ishte çmimi i vetëm për “La La Land”, i cili starton javën e ardhshme. Filmit “Chazelle”, ku luajtën Emma Stone dhe Ryan Gosling, kritikët e nominimeve ‘Choice Awards’ të enjten i dhanë 12 pikë.

Këta tre filma – “La La Land”, ” Moonlight” dhe “Manchester by the Sea” ishin zgjedhje favorizuese e kritikëve në fillimin e sezonit të çmimeve të Hollywood. “Moonlight” udhëhoqi në “Gotham Film Independent Awards” të hënën.

“Manchester by the Sea” ishte në krye të “National Board of Review Awards” të martën.NYFCC, organ i disa dhjetra kritikëve të New York, zgjodhi Isabelle Huppert si aktoren më të mirë për shfaqjet e saj në “Elle” të Paul Verhoeven dhe Mia Hansen në “The Things to Come”. Filmi më i mirë fillestar u nda ndërmjet komedisë “The Edge of Seventeen”, të Kelly Fremon Craig dhe dramës me mikro bugjet “Krisha” e Trey Edward Shults.

Çmime të veçanta janë dhënë edhe për Thelma Schoonmaker, redaktore e vjetër e Scorsese si dhe “25th anniversary restoration” të Julie Dash në “Daughters of the Dust”.