Kosova dhe Norvegjia të intensifikojnë bashkëpunimin

Ministri i Shëndetësisë, Alush Gashi, të martën takoi ambasadorin e Norvegjisë, Sverre Johan Kvale, në një takim ku është biseduar për angazhimet konkrete që shteti norvegjez ka në shëndetësinë e Kosovës, në veçanti në Spitalin Rajonal të Mitrovicës, ku Norvegjia është një kontribuues i madh, për çka ambasadori Kvale, ka marrë falënderimet nga ministri Gashi.

Ata janë pajtuar që ky bashkëpunim të intensifikohet edhe në të ardhmen dhe midis dy shteteve të zhvillohen programe konkrete të bashkëpunimit.

Norvegjia ka ndihmuar me fonde në ndërtimin e Spitalit Regjional të Mitrovicës, që ka nisur vitin e kaluar, bashkë me kompaninë përmes kompanisë së këtij shteti “Norvak”, që ka nisur vitin e kaluar.

Spitali Rajonal i Mitrovicës do të ketë 200 shtretër, ndërsa Ministria e Shëndetësisë ka investuar aty 547.000 mijë euro në pajisje, liferimi i shumicës prej të cilave ka filluar.

Spitali Rajonal i Mitrovicës në pjesën jugore të qytetit pritet që të përurojë muajin tjetër Traktin operativ me degët kirurgjike, që do të ketë 3.350 metra katror, me 80 shtretër prej të cilëve 50 janë të gatshëm, ndërkohë që këtyre ditëve ka filluar montimi i aparaturës së Tomografisë së Kompjuterizuar (CT), që pritet të përurohet brenda pak ditësh. /Telegrafi/