Koreja e Veriut po prodhon fshehtas plutonium?

Disa imazhe satelitore sugjerojnë se Koreja e Veriut mund të jetë duke u përpjekur të prodhojë më shumë plutonium për armët bërthamore në uzinën e saj kryesore bërthamore.

Faqja amerikane “38 North”, e cila monitoron ngjarjet në Korenë e Veriut, raportoi se pamjet e kompleksit bërthamor në Yongbiyon tregojnë se termocentrali me qymyr në këtë objekt po punon pas një pushimi afërsisht dy-vjeçar.

Ai tha se kjo mund të sugjerojë që përgatitjet janë duke u zhvilluar për përpunimin e plutoniumit të nevojshëm për armët bërthamore të Koresë së Veriut, por kjo mund të nënkuptojë gjithashtu se impianti po përgatitet vetëm për trajtimin e mbetjeve radioaktive, raporton ap.

Plutonium is one of the two key ingredients to build nuclear weapons along with highly enriched uranium. NKorea’s Yongbyon complex, north of the capital city of Pyongyang, has facilities to produce both ingredients. https://t.co/AFi7CBShF7

— Hyung-jin Kim 김형진 (@hyungjin1972) March 4, 2021

Në fillim të kësaj jave, Drejtori i Përgjithshëm i Agjencisë Ndërkombëtare të Energjisë Atomike (IAEA), Rafael Grossi, konfirmoi se disa termocentrale bërthamore në Korenë e Veriut vazhduan të funksiononin, e cila është një shkelje e dukshme e rezolutave të vlefshme të Këshillit të Sigurimit të Kombeve të Bashkuara.

Plutoniumi është një nga dy përbërësit kryesorë për ndërtimin e armëve bërthamore, së bashku me uraniumin shumë të pasuruar.

Kompleksi Yongbiyong, në veri të kryeqytetit Pyongyang, ka impiante për prodhimin e të dy përbërësve, por nuk dihet se sa është prodhuar në këtë kompleks deri më tani dhe ku ruhet, sipas agjencisë. /Telegrafi/