Randal Kolo Muani ka pasur një sezon të jashtëzakonshëm me Eintracht Frankfurtin.
Kjo ka bërë që top klubet evropiane të vihen pas tij, edhe pse Frankfurti e vlerëson shumë sulmuesin francez.
24-vjeçari këtë edicion ka zhvilluar 43 ndeshje zyrtare, ku ka realizuar 22 gola dhe ka asistuar në 15 të tjerë.
Frankfurt kishte kërkesa të mëdha, pasi dëshironte 100 milionë euro për ta lënë të lirë lojtarin, shumë që nuk është paguar nga asnjë klub.
Bild ka raportuar tani se vet futbollisti ka pasur një takim me drejtuesit e klubit dhe u ka thënë atyre se dëshiron largimin gjatë afatit kalimtar të verë.
Kjo ka bërë që Frankfurt të ulë kërkesat për lojtarin, pasi dëshira e Kolo Muanit është të bëjë një hap para në karrierë.
Bayern Munich, Manchester United e PSG tani kanë objektiva të tjerë, por sërish ka skuadra që e duan atë.
Chelsea, Totenham Hotspur e Juventus janë alarmuar pas kërkesës së Kolo Muanit për largim dhe pritet të dalin me oferta zyrtare. /Telegrafi/