I kishin thënë se ka vetëm disa javë jetë, i mbijetuari nga kanceri ndan historinë e pabesueshme të mbijetesës (Foto)

Një i mbijetuar i kancerit që luftoi guximshëm pas dhënies – nga mjekët – të vetëm disa javësh për të jetuar, ka treguar se si ai ndryshoi trajtimin konvencional për një dietë vegjetariane.

Sipas mediave të huaja, përcjell Telegrafi, bëhet fjalë për një histori të pabesueshme të mbijetesës së Rob Mooberry, histori e cila tanimë është parë nga miliona, pas një postimi të gruas së tij, Amanda.

Atij i ishte thënë se kishte vetëm disa javë për të jetuar, pasi u diagnostikua me kancerin kolorektal të fazës 4, në vitin 2012.

Por burri i cili u takua me gruan e tij të ardhshme kur ata punonin në një hotel në Las Vegas, mori vendimin e guximshëm për të ndaluar trajtimin konvencional dhe për të kaluar në një dietë vegjetariane.

Madje, siç thuhet më tej, Amanda më vonë pretendoi në një post në Facebook se kjo gjë kishte funksionuar për mrekulli dhe brenda tre javësh kanceri i tij kishte tkurrur për 80 për qind.

Ndërkohë Rob dhe Amanda kanë ngritur një fondacion jo-fitimprurës Mu Casa Moo, të cilën ata thonë se grumbullon para për individët dhe familjet që luftojnë financiarisht ndërsa luftojnë me kancerin.

Çifti u martua dy ditë para trajtimit të cilin Amanda tha se ata kishin frikë se do ta vriste më shumë.

Ajo tha se pas raundit të parë të kimioterapisë, Rob nuk tregoi shenja të përmirësimit, kështu që ata vendosën të anulonin raundin e ardhshëm të trajtimit dhe zgjodhën një qasje më “shpirtërore”.

“Ne të dy ndryshuam dietën tonë në mënyrë strikte vegjetariane, eksperimentonim me barishte të ndryshme”, tha ajo. /Telegrafi/