I kërkoi të kandidojë ‘sa për sy e faqe’, pastruesja e mund kryetarin e mbështetur nga partia e Putinit

Gjatë katër viteve të fundit, Marina Udgodskaya ka pastruar zyrat e ndërtesës së administratës lokale në Povalikhino të Rusisë.

Tani pastruesja 35-vjeçare po heq pluhurat për të lëvizur në vendin e shefit, pasi fitoi zgjedhjet në fillim të këtij muaji, raporton BBC.

Kur askush në fshat nuk u regjistrua për të sfiduar Nikolai Loktev, i cili është nga partia Rusia e Bashkuar (partia e Vladimir Putin), ai e bindi Udgodskaya të regjistrohej si “rivale false” për të përmbushur standardet e zgjedhjeve, të cilat thonë se duhet dy kandidatë, transmeton Telegrafi.

Ky plan dha një efekt të kundërt pasi që tashmë 35-vjeçarja do të ulet në karrigen e kryetarit të bashkisë, pasi fitoi zgjedhjet vendore, me një rezultat që nuk i shkonte aspak në mendje kundërshtarit të saj!

Qytetarët votuan masivisht për pastruesen, duke i dhënë asaj 64 për qind të votave, kështu Udgodskaya fitoi zgjedhjet vendore.

Edhe pse fitoi, Udgodskaya pohoi se nuk ishte gati për këtë ngritje kaq të madhe në detyrë.

Derisa të marr rolin e saj të ri, Marina thuhet se do të vazhdojë punën e saj si pastruese, ndërsa kundërshtari do të mbledh sendet e tij dhe do të largohet. /Telegrafi/