Kërkohen çmime me të lirë të arkave fiskale

Grupi i Punues profesional i Shoqatës që merret me qarkullimin e naftës, derivateve të naftës, gazrave dhe lubrifikanteve, përkatësisht përfaqësuesit e ndërmarrjeve kërkojnë që të operojnë më shumë operatorë për fiskalizim, pasi që dy operatorët që ekzistojnë kanë çmime shumë të larta.

E Administrata Tatimore e Kosovës u ka thënë këtyre ndërmarrësve që nëse deri më 1 tetor nuk e bëjnë ri fiskalizimin, atëherë për këto ndërmarrje do të pasojnë gjobat.

Kurse, sipas ndërmarrësve ky çmim prej operatorëve që janë duke operuar është shumë i shtrenjtë dhe prek shumën, deri në 20 mijë euro.

Kryetari i Shoqatës së Ndërmarrjeve për qarkullim të naftës, derivateve, gazrave dhe lubrifikanteve, Fadil Berjani, tha se janë të hapur që ta pranojnë ri fiskalizimin e dytë, madje u shpreh se kanë biseduar edhe me Ministrinë e Financave që të bëhet shpallje e operatorëve të rinj.

“Jemi për fiskalizim, jemi për arka të reja po jo me këtë çmim. Ju kisha lut të jemi të kjart operatori i cili është bënë trysni sa më shpejtë në këtë kohë pa qeveri në ikje duhen arkat fiskale.”, ka thënë ai.

Po ashtu, edhe nënkryetari i kësaj shoqate, Jusuf Mustafa, tha se janë për atë që të bëhet hapja publike për ri fiskalizim po se kërkojnë që çmimi të jetë i kapshëm për të gjithë.

“Ka qenë qëndrim i përbashkët që të bëhet hapja publike , të bëhet hapja publike për operatorë, pranimin e operatorëve tjerë për ri fiskalizim për pajisje me arka fiskale që të jetë çmimi ai i cili është i kapshëm për, në përgjithësi për neve për të gjithë ata që operojnë në territorin e Republikës së Kosovës. Por me sa e di dhe ekziston më siguri edhe në proces verbal atje se brenda një muaji Ministria e Financave në bashkëpunim me Administratën Tatimore që ata të bëjnë fillojnë me hapjen publike bile dikush prej shoqatës caktohet më tutje edhe prej shoqatës me marr pjesë për përzgjedhjen e atyre që kanë mundësi të marrin licencë prej Ministrisë së Financave” , ka thënë ai, raporton Kosova Press.

E, Avni Hasani, nga Kompania Global Trade, Ferizaj, tha se ka aplikuar për licencë mirëpo ende nuk ka marrë asnjë përgjigje, madje shtoi se nëse ky proces do të vazhdojë kështu ata do të dalin edhe në protesta.

Nga ana tjetër, drejtor i Departamentit nga Oda Ekonomike, Nazmi Xani u shpreh se kjo e fundit e përkrah fiskalizimin, madje tha se kërkesë e tyre është që sa më shumë operatorë që i plotësojnë kushtet ligjore të operojnë në vend.

“Ne si Odë Ekonomike në parim e përkrahim fiskalizimin e gjitha subjekteve ekonomike që veprojnë. Ne duhet ta kemi të qartë se duhet ekonomia jonë të jetë ekonomi formale dhe ti ikim formalizimit se është dobi e gjithëve besoj se edhe ju e keni atë qëllim. Problemet, tjera janë probleme të cilat duhet me i diskutu dhe duhet me i negociu me subjektet përkatëse, ka thënë ai.

Ndryshe, ndërmarrësit kërkuan që të merren për bazë kërkesat e tyre dhe të dalin me konkluza pasi që afati i fundit për gjobitje për përfaqësuesit e ndërmarrjeve nga ATK-ja është 1 tetori. /Telegrafi/