LAJMI I FUNDIT:

Kërkesa e Nazime Vishës për falje, drejt fundit afati për firmën e presidentit

Kërkesa e Nazime Vishës për falje, drejt fundit afati për firmën e presidentit
Nazime Visha, 18 vjec, gjate seances gjyqesore, ne te cilen ndaj saj u mor masa e arrestit me 30 dite burg, pasi ka pranuar se ka vrare per vetembrojtje shtetasin Fiqiri Muca, ne fshatin Kerrabe te Tiranes.

Ditë të ethshme pritjeje për Nazime Vishën. E dënuara me 10 vite burg për vrasjen e Fiqiri Muçës në gusht të 2012-ës, tani më shumë se kurrë i ka kthyer sytë nga Presidenti i Republikës, Bujar Nishani. Me kërkesën e saj, ministri i Drejtësisë, Ylli Manjani i propozoi Nishanit faljen e vajzës, duke arsyetuar se përmbushen të gjitha kriteret ligjore dhe se nuk ka asnjë pengesë që ajo të dalë në liri. Por, afati që ka në dispozicion kreu i Shtetit, sipas ligjit për faljen është drejt fundit.

Sipas nenit 13 të ligjit “për faljen”, Presidenti i Republikës ka një afat prej 30 ditësh për t’u shprehur për kërkesën për falje.

“Nëse Presidenti i Republikës nuk shprehet brenda afatit prej tridhjetë ditësh, sipas nenit 10 të këtij ligji, kërkesa për falje dënimi konsiderohet e rrëzuar. Në këtë rast, ministri i Drejtësisë njofton kërkuesin për kalimin e afatit, sipas këtij neni. Kërkesa nuk mund të përsëritet nga i dënuari përpara se të kenë kaluar gjashtë muaj nga data e kalimit të afatit të përcaktuar në pikën 1 të këtij neni”, thuhet konkretisht në nenin 13 të ligjit.


Referuar dokumentacionit rezulton se ministri Manjani i ka propozuar presidentit faljen e vajzës më datë 26 shkurt 2016 dhe duke qenë se ligji parashikon afatin 30-ditor për firmosjen e dekretit, ky afat është drejt përfundimit.

Kështu, kreu i shtetit ka edhe pesë ditë në dispozicion për të vendosur nëse do ta falë ose jo Nazime Vishën. Nëse brenda pesë ditësh Nishani nuk hedh firmën e tij, atëherë shpresat e vajzës për liri shuhen. E vetmja shpresë i mbetet mandej të përfitojë nga amnistia, uljet e dënimit dhe mundësia për të përfituar nga lirimi para kohe me kusht. Megjithatë, pesë ditët e ngelura, duket se janë ditë të gjata pritjeje të ankthshme për të dënuarën, e cila prej 4 vitesh ndodhet në qeli, duke shlyer dënimin e drejtësisë.

Nazime Visha qëlloi për vdekje babin e pesë fëmijëve, të cilin e akuzonte se e kishte abuzuar seksualisht për katër vite me radhë. /BW/Telegrafi/

Në trend Lajme

Më shumë
Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Lajme
Serbë nga Kosova shkojnë në Beograd “për të mbrojtur presidentin”

Serbë nga Kosova shkojnë në Beograd “për të mbrojtur presidentin”

Lajme
Qeveria e Kosovës mbajti mbledhje elektronike, këto janë vendimet

Qeveria e Kosovës mbajti mbledhje elektronike, këto janë vendimet

Lajme
A është PDK e gatshme t'ia jep Abdixhikut postin e kryeministrit, përgjigjet Bedri Hamza

A është PDK e gatshme t'ia jep Abdixhikut postin e kryeministrit, përgjigjet Bedri Hamza

Politikë
Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Lajme
E përcolli deri tek shkallët, mjeku i QKUK-së plot emocion rrëfen takimin me Thaçin

E përcolli deri tek shkallët, mjeku i QKUK-së plot emocion rrëfen takimin me Thaçin

Lajme
Kalo në kategori