Arrestohen katër të dyshuar në Podujevë, sekuestrohet një armë

Policia e Kosovës ka kryer një operacion bastisjeje në fshatin Dumnicë të komunës së Podujevës.

Gjatë bastisdjes kanë arritur të gjejnë dhe të sekuestrojë një armë autokatike, si dhe ka arrestuar katër persona.

Sipas Policisë, sekuestrimi rezultoi pas marrjes së informatës për të shtëna me armë zjarri në atë zonë.

Ndaj të dyshuarit RR. Z, mashkull, 56 vjeç, shtetas i Republikës së Kosovës, me rekomandimin e prokurorit të shtetit, është iniciuar një hetim në drejtim të veprave penale “Përdorim i armës apo mjetit të rrezikshëm”, “Mbajtje në pronësi kontroll ose posedim të pa autorizuar të armës”, si dhe “Shkaktim i rrezikut të përgjithshëm”.

Ndërkaq ndaj të dyshuarve B. Z, mashkull, 20 vjeç, M. H, mashkull, 23 vjeç, Rr. H, mashkull, 57 vjeç, me rekomandimin e prokurorit të shtetit, është iniciuar një hetim në drejtim të veprës penale “Vetëgjyqësia”.

Të dyshuarit, pas arrestimit, me aktvendim mbi ndalimin e personit të dyshuar, të nxjerrë nga ana e prokurorit të shtetit u dërguan në qendrën e mbajtjes prej 48 orësh, si vijimësi e fazave të mëtejme të procesit hetimor.