Katër gjëra që nuk i keni ditur për meshkujt

A janë më të mençura femrat a meshkujt? Kush e duron më shumë dhembjen, e kush ia sheh hairin më shumë martesës? Ka ardhur koha që të thyhen edhe disa mite rreth meshkujve dhe femrave.

Ua sjellim katër gjëra rreth meshkujve, që ndoshta nuk i keni ditur, por që gjithmonë ju kanë interesuar.

Kush është më i mençur?
Edhe pse kryesisht mendohet se meshkujt janë më të mençur, Adrian Furnham, profesor britanik i psikologjisë në një kolegj të Londrës, ka analizuar rezultatet e studimeve ku ishin matur dhe krahasuar koeficientet e inteligjencës (IQ) të meshkujve dhe femrave, gjë që ka treguar se nuk ka dallime të mëdha rreth vetë IQ-së, por janë vërejtur dallime të mëdha në perceptimin e inteligjencës. Derisa meshkujt janë të prirë që t’i mbivlerësojnë aftësitë e tyre intelektuale, femrat, përkundrazi, janë të prira që t’i nënvlerësojnë ato.

Durimi i dhembjes
Përkundër deklaratave të grave se mund t’i qëndrojnë më shumë dhembjes sesa meshkujt, për shkak se ato i durojnë dhembjet e lindjes, megjithatë është konstatuar se meshkujt janë ata që e mbajnë primatin në këtë fushë.

Kush ia sheh hairin më shumë martesës?
Përkundër bindjeve të përgjithshme se meshkujt janë ata që kanë aversion ndaj martesës, psikologu Nil Jakobson nga Universiteti i Uashingtonit mendon se janë mu meshkujt ata që kënaqen më shumë në martesë. Femrat zakonisht hyjnë në martesë me plot pritje të tepërta, gjë që i çon ato kah zhgënjimi. Është parë se meshkujt e martuar dy herë më pak bien në depresion, për dallim nga gratë e martuara.

Ora biologjike
Edhe meshkujt e kanë orën e tyre biologjike. Me plakjen e tyre, ata humbin rreth 1% të testosteronit për çdo vit moshe, me çka ulet prodhimi dhe kualiteti i spermatozoideve. Për këtë shkak, baballarët e moshuar janë më të rrezikuar që të kenë fëmijë të sëmurë nga autizmi, skizofrenia dhe sindroma Down. /Telegrafi/