Kanë, emra të njohur në garë për “Palmën e Artë”

Pas disa ditësh, bota do ta hedhë sërish vështrimin drejt tapetit të kuq të Kanës për festivalin e konsideruar si eventi i dhënies së titujve të fisnikërisë në fushën e filmit.

Si çdo vit, edhe këtë here shpresat janë të mëdha. Gara për Palmën e Artë ka tërhequr emra regjisorësh të famshëm si Pedro Almodovar dhe Xavier Dolan, Jim Jarmush e Ken Loach. Filmi francez konkurron me katër kontribute për Palmën: vendi mëmë i kinemasë e shfrytëzon Kanën tradicionalisht për lojë në fushën e vet.

Shtetet e Bashkuara do të prezantohen me prodhime si “Paterson” të Jarmusch dhe “The Last face” të Sean Penn-it. Me interes pritet dhe përfaqësimi i shteteve si Irani me mbajtësin e Çmimit Oscar Asghar Farhadi apo Rumania që sjell dy filma njëherësh.

Prezantimin personalisht të krijimeve të tyre, shoqëruar nga ekipi përkatës e aktorë të shquar, regjisorët e ftuar në Kanë e konsiderojnë nëe çështje nderi.

Pjesëmarrjen e kanë konfirmuar sivjet mes të tjerësh Charlize Theron, Isabelle Huppert, Russel Crovve, Javier Bardem, Kristen Stevvart dhe Vincent Cassel. Për këtë event që bën të rrahë çdo maj në Kanë zemra e kinemasë konkuruan 1869 filma. 49 prej tyre u zgjodhën për programin zyrtar, disa të tjerë për seksionet shoqëruese.