Kampionati zyrtar botëror i aeroplanëve të letrës po kthehet dhe është gati të fillojë!

Red Bull Paper Wings po fillon prapë fluturimet për pilotët e aeroplanëve të letrës në Kosovë dhe anë e mbanë botës.

Dy prej kategorive të garës lansohen nga Prishtina, ndërkaq kësaj radhe, kategoria e Aerobatikës fillon në Instagram.

Kampionati më i madh në botë i aeroplanëve të letrës është kthyer! Në garën Red Bull Paper Wings, ideja është shumë e thjeshtë dhe e zgjuar: Pa kerozine. Pa motorë. Duke përdorur një letër të formatit A4, pjesëmarrësit duhet ta krijojnë një aeroplan të letrës dhe ta fluturojnë atë në distancën më të gjatë, ta mbajnë sa më gjatë në ajër apo ta fluturojnë në mënyrë më artistike të mundshme në ajër.

Secili shtet i shpallë fituesit nacionalë në tri kategori, ku pastaj fituesit nacionalë nga më shumë se 60 shtete ftohen në Finalen Botërore të Red Bull Paper Wings në Austri, për t’u shpallur kampionët botërorë të vitit 2022.

Kategoritë

Eventi e organizon turneun në tri kategori: Kategoria e Distancës më të gjatë dhe Qëndrimit më të gjatë në ajër mbahen në eventet kualifikuese, ndërkaq dy pilotët fitues të distancës më të gjatë dhe qëndrimit më të gjatë në ajër avancojnë për në Finalen Botërore.

Kategoria e tretë është ajo e Aerobatikës, e cila për herë të parë i përcakton finalistët nacionalë online në platformën e rrjeteve sociale Instagram.

– Distanca më e gjatë: Për të pasur sukses, pilotët duhet të jenë të aftë ta fluturojnë aeroplanin e tyre nga letra në distancë më të gjatë sesa çdo garues tjetër. Në Finalen Botërore të vitit 2019, Jake Hardy nga ShBA kishte arritur një distancë prej 56.61 metrave.

– Qëndrimi më i gjatë në ajër: Pilotët duhet t’i palosin aeroplanët e tyre nga letra duke siguruar dinamikën e duhur për ta mbajtur aeroplanin e letrës më së gjati në ajër. Në vitin 2019, Cameron Clark nga Australia kishte shënuar fitore duke e mbajtur aeroplanin e letrës në ajër për 13.33 sekonda!

– Aerobatika: Kjo kategori ka të bëjë gjithçka me performancat kreative – në finalen e vitit 2019, Kateryna Ahafonova nga Ukraina ishte vlerësuar me një 10-she të përsosur për performancën e saj kreative me aeroplan të letrës.

Pilotët e kësaj kategorie nuk kanë nevojë të shfaqen në eventin kualifikues. Në vend të kësaj, ata duhet të bëhen kreativë në shtëpitë e tyre me aeroplanët e letrës dhe t’i ndajnë performancat dhe mjeshtërinë e tyre në Instagram.

Detaje për këtë kategori, duke përfshirë mënyrën e regjistrimit, ju mund t’i gjeni në ueb-sajtin https://paperwings.redbull.com/xk-sq/aerobatics/xk

Eventet kualifikuese në (Regjion dhe Linku)

Pilotët që synojnë një vend në Finalen Botërore e kanë mundësinë e tyre për titujt nacional në Distancën më të gjatë dhe Qëndrimin më të gjatë në Ajër në eventet kualifikuese që mbahen në:

– Universiteti i Prishtines – Fakulteti i Edukimit Fizik dhe i Sportit, Prishtinë, 24 mars 2022, në orën 13:00 https://paperwings.redbull.com/xk-sq/event/244

– Kolegji AAB, Prishtinë, 26 Mars 2022, në orën 13:00, https://paperwings.redbull.com/xk-sq/event/243

– Universiteti i Prishtinës – Fakulteti i Edukimit Fizik dhe i Sportit, Prishtinë, 31 Mars 2022, në orën 17:00, https://paperwings.redbull.com/xk-sq/event/245

Krahas kësaj, pilotët kreativë mund të marrin pjesë në kategorinë e Aerobatikës në çdo kohë para datës 1 prill në Instagram.

Lokacioni i Finales Botërore

Finalja Botërore e Red Bull Paper wings do të mbahet në vendin ikonik të Austrisë, në Hangar-7 në Salzburg. Si lokacion i njohur arkitektural, vendi është përzgjedhur si hapësirë ku aviacioni bashkohet me artin dhe artet kulinare, duke ofruar ekzibicione të profilit të lartë, evente dhe programim.

Koha për ta siguruar një fluturim fitues është tani në dispozicion bashkë me informacionet në www.redbullpaperwings.com

Informacione rreth Red Bull Paper Wings Red Bull Paper Wings i fton studentët nga anë e mbanë bota për të garuar në kampionatin global të aeroplanëve të letrës.

Ideja është shumë e thjeshtë dhe e zgjuar: pjesëmarrësit duhet ta bëjnë një letër të fluturojë në distancë sa më të gjatë, në kohëzgjatje sa më të gjatë ose në mënyrë sa më artistike që është e mundur.

Fituesit nacionalë të këtyre tri kategorive – Distanca më e gjatë, Qëndrimi më i gjatë në ajër dhe aerobatika – do të ftohen në Finalen Botërore në Austri në vendin ikonik Hangar-7, ku kampionët e ri botërorë do të shpallen.

Për më shumë informacione: www.redbullpaperwings.com