Kampanja “Stars of the map” – pjesë e projektit “Empower Kosovo Youth Identity”!

A t’ka ra me i dëgju najher këto fjalë të urta shqipe?

Fjalët e urta përdoren shumë në jetën e përditshme, që dikun dhe dikur rastësisht depërtuan në botë nga goja e popujve para qindra e mijëra vitesh, nga një rajon në tjetrin. Për këtë arsye populli i quan ato dhe fjalë të moçme ose fjalë ari.

Përveç fjalëve te moçme që e kanë përcjellë Kosovën brez pas brezi, kampanja “Kosovo: Stars of the Map” e përberë prej 5-anëtarëve shumë të pasionuar (Adelina Lutolli, Donika Feta, Edi Miftari, Englantina Avdyli dhe Fitore Feta) synon të informojë njerëzit në mbarë botën për mrekullitë e Kosovës, vendet piktoreske, kulturën si dhe arritjet e pandalshme të njerëzve nga Kosova që kanë kontribuar në fusha të ndryshme.

Kjo kampanjë fokusohet gjithashtu në atë se pse të rinjtë duhet ta vizitojnë ketë vend në stinë të ndryshme për të parë peisazhet e mahnitshme dhe për të kuptuar se jeta këtu në Kosovë është një ndryshim drastik.

Kampanja “Kosovo: Stars of the Map” është pjesë e projektit “Empower Kosovo Youth IDENTITY”, të implementuar nga 4H-Kosova. Kjo kampanjë është pjesë e kampanjës së përgjithshme “Kosovo is my home”, implementuar në kuadër të këtij projekti. Ky projekt u financua përmes grantit të Ambasadës Amerikane në Prishtinë.

Me pak fjalë e shumë qejf ju mirëpresim në faqen tonë në Facebook dhe Instagram.