Kadiri James, shqiptari nga Kosova që po debuton në tregun muzikor kanadez

Arlind Kadiri, i njohur me nofkën Kadiri James është një tjetër artist, që i është futur muzikës me shpresën për të arritur sukses në rrafshin ndërkombëtar.

I lindur më 28 maj të vitit 1996 në Toronto, ai ka filluar që të prezantojë projektet e tij të para për tregun muzikor kanadez.

https://www.instagram.com/p/Buhf60tFFbI/

Me profesionin këngëtar dhe si artist në punën profesionale ka debutuar para një viti edhe pse shumë më herët ka mbajtur koncerte në fakultetin ku ai studion.

Talentin në muzikë e ka treguar edhe nëpër klubet e Torontos me zërin dhe luajtjen në kitarë.

Si talent, ai bie në sy të disa menaxherëve dhe producentëve në Los Angelos, nga ku i hapen mundësitë për të realizuar këngën e tij me titull “Here with me” që ka dalë shumë e suksesshme.

Po me një punë të pa ndërprerë, ai ka shkruar dhe ka bërë vetë këngën së cilën ia dedikon familjes, e cila quhet “Closer to you”.

https://www.youtube.com/watch?v=ozAyCF3bm74

Kjo këngë është pritur mirë nga fansat, dhe i ka dhuruar atij një tjetër sukses, teksa mund të gjendet në të gjitha platformat e muzikës. /Telegrafi/

https://www.instagram.com/p/BtbrCcdlVUb/