Izraeli vret komandantin e Hamasit që udhëhoqi sulmin e 7 tetorit të 2023

Komandanti i forcave elitare Nukhba të Hamasit, i cili udhëhoqi sulmin ndaj Izraelit më 7 tetor të vitit 2023, është vrarë në një sulm të fundit me dron, njoftuan Forcat Mbrojtëse të Izraelit (IDF).

Sipas pretendimeve të IDF-së, Abd al-Hadi Sabah u vra gjatë një sulmi në një zonë humanitare të përcaktuar nga Izraeli në rajonin Khan Younis në Gazën jugore.

Ushtria izraelite pretendon se Sabah ishte një nga ata që udhëhoqën sulmin të vitit të kaluar.

🔴Abd al-Hadi Sabah, a Nukhba Platoon Commander in the Western Khan Yunis Battalion was eliminated in an intelligence-based IDF and ISA strike.

Abd al-Hadi Sabah—who operated from a shelter in the Humanitarian Area in Khan Yunis—was one of the leaders of the infiltration into… pic.twitter.com/KMC5HAXNfA

— Israel Defense Forces (@IDF) December 31, 2024

Ata shtojnë se ai ishte i përfshirë në shumë sulme ndaj trupave të IDF-së në Gaza.

IDF deklaron se sulmi në zonën humanitare ishte pjesë e përpjekjeve për të zbutur dëmin ndaj civilëve, pa dhënë detaje të sakta se çfarë nënkupton kjo.

IDF -ja do të vazhdojë operacionet kundër të gjithë pjesëmarrësve që morën pjesë në masakrën e 7 tetorit.

Ndryshe, Izraeli nisi një ofensivë në territoret palestineze pas sulmit terrorist të vitit të kaluar të Hamasit, ku deri më tani kanë vdekur mbi 1200 izraelitë dhe mbi 45 mijë palestinezë. /Telegrafi/