Industria e Kinës me fitime marramendës

Fitimet e kombinuara industriale të Kinës u rritën me 9.8% me bazë vjetore duke shënuar 616.1 miliardë juan, apo 89 miliardë dollarë për tetorin, në rritje me 7.7% nga muaji paraardhës, tregojnë të dhënat zyrtare.

Përshpejtimi ishte për shkak të rritjes së lartë të të ardhurave nga shitjet, rritjes së çmimeve të prodhimit dhe rritjes së fortë të fitimeve në sektorët e kimikateve, qymyrit dhe pajisjeve të përgjithshme, raporton Byroja Kombëtare e Statistikave.

Të ardhurat e kompanive, që kanë të ardhura vjetore sipër 2.89 milionë dollarë nga biznesi i tyre kryesor, u rritën me 5.4% në muajin tetor, në rritje me 1.5% nga muaji paraardhës.

Indeksi i çmimeve të prodhimit në Kinë, vazhdoi në rritje, me 1.2% me bazë vjetore për Tetorin, 0.1% më shumë në krahasim me muajin shtator.

Në dhjetë muajt e parë të këtij viti, fitimet industriale totale u zgjeruan me 8.6% në krahasim me të njëjtën periudhë të një viti më parë, në 5.26 trilionë juan apo 760 miliardë dollarë, tregon zyra e Statistikave. /Telegrafi/