Ideja e çuditshme për propozim, inskenoi se kinse mafia po e kërcënonte – partnerja e tij u pushtua nga frika e paniku

Propozimi për martesë do të duhej të ishte moment i veçantë për çdo çift.

Kur themi i veçantë, mendojmë në atë që ajo do ta mbajë në mend përgjithmonë për të mirë. Për momentet romantike, vendin ku ka ndodhur dhe detajet, transmeton Telegrafi.

Por duke marrë parasysh që jo të gjithë pëlqejnë këtë mënyrë, një djalë i ri kishte vendosur të bëjë diçka më ndryshe – duke menduar se në këtë mënyrë do t’i bëjë përshtypje partneres së tij.

Një djalë i ri derisa po voziste veturën dhe e shoqëronte partnerja, në dritaren e shoferit trokitën disa persona që e “detyruan” të ndalet në skaj të rrugës.

Ata e kërcënuan duke ia bërë me dije se do ta rrahin për vdekje, nëse shefit të tyre nuk ua kthen borxhin prej 80 mijë bezos, duke ia treguar vazhdimisht shkopin e bejsbollit.

https://www.youtube.com/watch?v=vxOaT7EaOUI

Por në fund doli të jetë gjithçka e inskenuar – duke e bërë partneren e tij të frikësohet tej mase dhe të shpërthen në lot.

Në një moment ai u gjunjëzua para saj, por ajo ishte e shokuar edhe ende nuk mund të besonte që ishte një shaka – pavarësisht që ai mbante unazën në dorën.

Megjithatë pasi ajo u qetësua i tha “po”, dhe dyshja vendosën që këtë moment ta festojnë me një darkë romantike. Pamjet e kësaj video kanë marrë mbi 400 mijë shikime brenda një nate. /Telegrafi/