IAEA: Irani bie dakord për marrëveshje të përkohshme rreth inspektimeve bërthamore

Kreu i vëzhguesit bërthamor të Kombeve të Bashkuara ka thënë se agjencia arriti një marrëveshje me Iranin për të vazhduar verifikimin dhe monitorimin e aktiviteteve të “nevojshme” deri në tre muaj, por do të ketë më pak qasje dhe nuk do të ketë më inspektime të parakohshme nga e marta.

Duke folur para gazetarëve në Vienë të dielën pas kthimit nga Teherani, shefi i Agjencisë Ndërkombëtare të Energjisë Atomike, Rafael Grossi tha se bisedimet me zyrtarët iranianë kishin prodhuar një “rezultat të mirë dhe të arsyeshëm” që “shpëton situatën tani për tani”, raporton aljazeera.

Vizita e Grossi erdhi përpara afatit të 23 shkurtit të caktuar nga parlamenti i Iranit për presidentin e ri të Shteteve të Bashkuara, Joe Biden për të hequr sanksionet gjymtuese të vendosura nga paraardhësi i tij, Donald Trump ose Teherani do të ndalonte inspektimet e parakohshme të IAEA.

Joint statement by the Vice-President of the Islamic Republic of #Iran and Head of the AEOI and the Director General of the IAEA @RafaelMGrossi.
📝 https://t.co/EpEg0IZGxg pic.twitter.com/3juVR3rvCw

— IAEA – International Atomic Energy Agency ⚛️ (@iaeaorg) February 21, 2021

Shefi i IAEA-s ishte i kujdesshëm për të thënë se do të kishte akoma të njëjtin numër inspektorësh, por do të kishte “gjëra që i humbim”.

Lexo po ashtu Sanksionet amerikane i shkaktuan dëm 1 trilion dollarë ekonomisë së Iranit

Ai nuk ofroi shumë specifika, por Ministri i Jashtëm iranian, Mohammad Javad Zarif tha më parë që do të përfshinte bllokimin e IAEA-s nga qasja në kamerat e saj në vendet bërthamore.

Ndryshe, Zarif ka deklaruar se shkaku i sanksioneve amerikane, ekonomia iraniane ka pësuar humbje një trilion dollarë. /Telegrafi/