“Hedh poshtë të gjitha format e racizmit”, Dua Lipa reagon pas akuzave për antisemetizëm

Këngëtarja shqiptare me famë botërore, Dua Lipa, është mjaft aktive dhe e ndjekur në rrjetet sociale.

Ajo së fundmi ka bërë një reagim kundrejt prestigjiozes New York Times, pasi u akuzua për antisemetizëm.

Kjo për shkak të qëndrimeve të saj rreth ngjarjeve të fundit në përkrahje të popullit palestinez. Reklama nga ‘Rrjeti i Vlerave Botërore’ i referohet yllit shqiptar dhe modeleve Bella dhe Gigi Hadid si ‘mega-ndikuese’ që kanë ‘përçmuar shtetin hebre’ dhe ‘kanë akuzuar Izraelin për spastrim etnik’.

“Unë hedh krejtësisht poshtë spekulimet e tmerrshme dhe të rreme të publikuara sot. Ky është çmimi që duhet paguar për mbrojtjen e të drejtave të palestinezëve kundrejt një qeverie izraelite. Unë mbaj këtë qëndrim sepse besoj që të gjithë, hebrenjtë, myslimanët dhe krishterët kanë të drejtën të jetojnë në paqe si qytetarë të barabartë të shtetit që zgjedhin”.

Lexo po ashtu Bella Hadid 'sulmohet' nga Izraeli për shkak të pjesëmarrjes në protestën për përkrahje të palestinezëve

“Rrjeti po përdor paturpërisht emrin tim për kampanjat e tyre të shëmtuara me manipulime dhe keqinterpretime flagrante të asaj që unë jam dhe për çfarë qëndroj. Unë solidarizohem me të gjithë njerëzit e shtypur dhe i refuzoj të gjitha format e racizmit”.

View this post on Instagram

A post shared by DUA LIPA (@dualipa)

E zëshme për këtë çështje ishte edhe modelja Bella Hadid, e cila ditë më parë u sulmua nga Izraeli për shkak të pjesëmarrjes në protestën për përkrahje të palestinezëve. /Telegrafi/