Haradinaj në ceremoninë e varrimit të policit Izet Demaj: Nuk do të lejojmë që kriminelët ta marrin vendin

Në ceremoninë e varrimit të policit Izet Demaj, që u vra para pak ditësh nga grabitësi Kamer Metaj në Istog, është i pranishëm edhe Kryeministri i Kosovës Ramush Haradinaj, i cili u shpreh i pikëlluar.

Ai tha se nuk do të lejojë që kriminelët ta marrin vendin.

“E nderuara familje dhe të gjithë të tjerët. Është një moment ndryshe, sa herë kemi ardh këtu kemi folur për lavdinë e burrave që morën pjesë në këtë vend. Policia e Kosovës i shërben qytetarëve të vendit, është storje e suksesit në vendin tonë”, ka thënë Haradinaj.

“Policia në Kosovë nuk e ka pasur lehtë, janë 20 policë që sot nuk janë më. Rasti i Izetit është porosi e qartë për në që t’ju ndihmojmë, ne të gjithë duhet të jemi policë. Nuk do të lejojmë që kriminelët ta marrin vendin. Ju që jeni mbledhur e keni dëshmuar që të gjithë jemi Izet, jemi me familjen. Familjen e lus ta lehtësojë veten me krenarinë që e patën një familjar si Izet Demaj”, tha Haradinaj.

Izet Demaj u vra pak ditë më parë në Istog pasi grabitësi i cili poashtu u vra nga policia, e la të vdekur pasi gjuajti me armë në drejtim të policisë së Kosovës.

Demaj po varroset a në varrezat e dëshmorëve në Koshare.