Hansi Flick i jep dritën e gjelbër Decos për transferimin e yllit të Monacos

Barcelona e ka bërë pozicionin e mbrojtësit të djathtë një ndër prioritetet e tyre kryesore për afatin kalimtar veror dhe duket se drejtori sportive Deco tashmë ka nisur të hulumtojë për opsionet e mundshme.

Blaugranasit janë lidhur kryesisht me tre lojtarë që luajnë në krahun e djathtë gjatë vitit të fundit: Vanderson (Monaco), Marc Pubill (Almeria) dhe Andrei Ratiu (Rayo Vallecano).

Sidoqoftë, sipas një raportimi nga e përditshmja katalanase Sport, Deco është i etur për transferimin e Vanderson, të cilin e ka përcjellë që nga koha kur ai ishte pjesë e Gremios.

23-vjeçari shquhet për lojën e tij fizike, aftësitë teknike dhe leximin e lojës, atribute këto që kanë bërë që ai të bëhet opsioni i preferuar i Decos.

Lexo po ashtu Zbulohet se si Barcelona ‘injoroi’ mundësinë ta transferojë Julian Alvarez për një çmim qesharak

I njëjti medium shpjegon se Hansi Flick tashmë ka dhënë dritën e gjelbër që të arrihet një marrëveshje për Vanderson, të cilin edhe ai e sheh si të gatshëm për të luajtur një rol të rëndësishëm tek klubi.

Fakti që ai mund të operojë edhe si mbrojtës i majtë po konsiderohet si një përparësi për brazilianin para opsioneve të tjera.

Deco raportohet se ka hapur bisedimet me agjentët e tij dhe hapat e parë janë përshkruar si pozitiv, ani pse ende nuk dihet se cila do të ishte kostoja totale e një operacioni të mundshëm.

Në anën tjetër, Mundo Deportivo raporton se Vanderson është opsioni për një të ardhme afatgjatë për ta zëvendësuar Jules Kounde./Telegrafi/