Google po teston syze të reja inteligjente

Syzet me mbështetje për realitetin e shtuar fillimisht do të përdoren për opsione si përkthimi i drejtpërdrejtë, navigimi dhe të ngjashme.

Dhjetë vjet më parë, Google prezantoi një prototip të syzeve të para inteligjente.

Lexo po ashtu Përmes syzeve Ray-Ban mund të bëni telefonata dhe të dërgoni mesazhe me WhatsApp

Ata besonin se ishte një kategori e re pajisjesh pas telefonave dhe tabletëve, e cila do të tërhiqte miliona njerëz, por në vend të kësaj syzet hasën në shumë kritika nga publiku, kryesisht për shkak të aftësisë për të bërë foto dhe video, të cilën shumë e panë. si një shkelje e rëndë e privatësisë, kështu që Google më në fund hoqi dorë nga ai projekt.

Në konferencën I/O në muajin maj, ata prezantuan një prototip të një gjenerate të re të syzeve inteligjente dhe këtë javë ata njoftuan se janë gati t’i testojnë ato “në kushte reale”.

Wow – the form factor is nearly perfect. The no photos or video limitation limits usefulness, but I 💯 get why after the original Google Glass fallout. https://t.co/jFXcG3d1Os#ar #AugmentedReality

— Jeff Lewis (@consultutah) July 20, 2022

Testet do të fillojnë gjatë muajit të ardhshëm dhe duhet të tregojnë se si syzet mund t’i ndihmojnë njerëzit në jetën e përditshme, pra në situata të ndryshme me të cilat përballen çdo ditë. Syzet janë të destinuara kryesisht për përkthim të drejtpërdrejtë dhe navigim.

Justin Payne, menaxheri i Google për Realitetin e Shtuar dhe Virtual, theksoi në mënyrë specifike se si testet do t’i ndihmojnë ata të përmirësojnë përvojat si navigimi AR. Ai tregon se faktorë të tillë si kushtet e motit dhe kryqëzimet e trafikut janë shumë të vështira për t’u testuar në hapësira të mbyllura, ndaj syzet dhe teknologjia duhet të testohen në kushte reale.

Në fillim, syzet do të testohen nga një numër i vogël njerëzish – punonjës të Google dhe njerëz në të cilët Google ka besim, dhe ato do të pajisen me kamera, mikrofona dhe një ekran brenda syzeve. Megjithatë, gjatë testimit, përdorimi i atyre opsioneve do të jetë i kufizuar, kështu që nuk do të jetë e mundur të bëhen foto dhe video me syze. /Telegrafi/