Gjysmë viti burg për hapje me gojë në gjykatë

Gjykatësi Daniel Rozak ka tentuar t’i shqiptoj dënimin një dileri të drogës me ç’rast i ka penguar kushëriri i dilerit të cilit iu ka fjetur në gjykatore. E “mira” e kësaj pune është se ai do të ketë së paku tri javë për të fjetur.

Daniel Rozak e ka dënuar të përgjumurin Clifton Williams me gjashtë muaj burg dhe atë për shkak të hapjes më gojë në procesin i cili është mbajtur kundër kushëririt të tij Williams.

Në fakt, derisa gjykatësi po shqiptonte dënimin prej dy vitesh burg me kusht për kushëririn e Williamsit për shkak të shpërndarjes së drogës, ky ka hapur me gojë me të madhe që e ka hidhëruar shumë atë.

Kushëriri ka dalë i lirë nga gjykata në Chicago, derisa Williams do të kalojë së paku tri javë prapa grilave.

Sipas mediave amerikane, gjykatësi ka deklaruar se hapja me gojë ka qenë e zhurmshme dhe ka qenë tentim i qëllimshëm për prishjen e rregullit të gjykatës. Derisa, gazeta Chicago Tribune shkruan se bëhet fjalë për një gjykatës i cili shumë më shpesh i burgos njerëzit krahasuar me gjykatësit tjerë. Supozohet se ai është përgjegjës për një të tretat e të gjitha burgosjeve gjatë dhjetë viteve të fundit të cilat i kanë shqiptuar 30 gjykatës nga 12 gjykata të qarkut. Kryesisht bëhet fjalë për njerëz të cilëve në gjykatë u ka cingëruar telefoni celulari apo kanë sharë për shkak të vendimeve të tij.