Fruktoza e tepërt, rrezik për shëndetin e zemrës

Konsumimi i fruktozës ose sheqerit të pemëve në ditët e sotme është shtuar për tri herë më shumë se në të kaluarën, ndërsa më së shumti merret me anë të sheqerit të rafinuar, pastaj shurupit të amidonit me përmbajtje të lartë të fruktozës që përdoret në prodhimin e pastave, tortave, lëngjeve të pemëve dhe ushqimeve dhe pijeve tjera të ëmbla.

Qelizat e mëlçisë janë qelizat e vetme në organizmin tonë që e metabolizojnë fruktozën, ndërsa yndyra është produkti kryesor i këtij metabolizmi. Nëse mëlçia merr fruktozë të mjaftueshme, yndyra në formë të flluskave do të fillojë të grumbullohet në mëlçi dhe do të sjellë deri të sëmundja yndyrore e mëlçisë. Nëse procesi vazhdon, vjen deri te dëmtimi i rëndë i mëlçisë.

Rruga e shpërbërjes së fruktozës në mëlçi, po ashtu, shton nivelin e triglicerideve në gjak, pastaj sjell deri te rritja e kolesterolit të keq (LDL-kolesterolit), grumbullimin e shtresave yndyrore në bark, rritjen e shtypjes së gjakut dhe shkakton ndryshime me pasoja të dëmshme në zemër dhe enët e gjakut.

Dy studime të mëparshme kanë bërë lidhshmërinë në mes të konsumimit të fruktozës dhe rritjes së gjasave për zhvillimin e sëmundjeve të zemrës apo vdekjes nga ato.

Të gjitha këto që u përmendën më lartë, nuk do të thonë se duhet të heqim dorë nga pemët, por duhet të shmangen pijet e ëmbla dhe ushqimi i pasur me sheqer të rafinuar, si edhe shurupi i amidonit me pjesëmarrje të lartë të fruktozës. /Telegrafi/