Francisco Arriola-kuzhinieri spanjoll që ‘importon’ kuzhinën spanjolle në Kosovë

Promotor i koncerteve, punëtor ndihmës në Keni, avokat dhe drejtor i burimeve njerëzore…nga të gjitha kontributet e shumta që Francisco Arriola nga Madridi i ka dhënë në jetën e tij, asnjëri prej tyre nuk krahasohet me pjesëmarrjen e tij në edicionin shqiptar të “Mjeshtrit të Kuzhinës”, ku kishte dalë fitues dhe me çmimin e të cilit e ka bërë realitet promovimin e kuzhinës.

Që nga shkurti, ai është edhe pronar i restorantit të parë spanjoll në Prishtinë-kryeqytetin e Kosovës, një territor fqinj me Shqipërinë dhe me popullatë shumicë shqiptare, e njohur si Shtet nga më shumë se njëqind vende. Lokali quhet “Francisko”, i shkruar me k ballkanike, i mbushur me ngjyra kuq e verdh (njëjtë si flamuri spanjoll), me vazo në hyrje të lokalit dhe me profil të “Demit të Osbornit” në peceta, e të mos flasim për xhelatinën e “gazpacho”-s (lloj supe) që i japë shije recetës së tij të mrekullueshme, e cila e çoi në finale të garës për më të mirin në gatim.

Pas trashëgimit të një sërë përvojave jo të kollajshme, së bashku me gruan shqiptare dhe me një shkathtësi të lindur prej biznesmeni (gjyshi i tij kishte organizuar koncertin e parë të rok grupit, “Beatles”, në vitet e ’60-ta në Spanjë), Arriola, 32 vjeçar, sot është një njeri i famshëm në Kosovë, i cili një herë në javë shfaq një program televiziv për kuzhinë, “i ngjashëm me Arguiñanon e Spanjës, me shaka dhe ironi mbi politikanët ose me ngjarjet aktuale”, thotë kuzhinieri, i cili mban veshur rroba me shkrimin “MasterChef”, me një kordon blu, teksa ofron pjatat u ushqimit ose teksa kullon verën “La Rioja”. Ky sipërmarrës gjithashtu importon verëra spanjolle në Kosovë, përballë një konkurrencë të ashpër me italianët dhe francezët. “E hapi tregun dhe bëj që të njihet marka e verës spanjolle”, thotë ai në një vend, pavarësia e të cilit nuk njihet nga Qeveria e Madridit. “Unë nuk kam probleme me importimin, tani do ta importoj paletën e njëmbëdhjetë të verës, proshutës, salsiçeve dhe konservave, sepse kam një ndërmjetës të mirë doganor. Në fakt, unë importoj më shumë sesa një distributor lokal i pijeve të gazuara spanjolle”.

Për më tepër, Arriola këshillon një hotel luksoz në Prishtinë për të modernizuar menynë e tij. “Në Kosovë ka produkte shumë të mira, por pak kreativitet kur gatuhet. Mjeshtrit e kuzhinës nuk janë ‘yje të rokut’ sikurse në Spanjë, bile ata duken sikur po kalojnë andej pari nëpër kuzhinë dhe në pritje të një profesioni të vërtetë, shkruan revista spanjolle ‘El-Pais’.

Lokali tërheqës në qendër të Prishtinës është i stërmbushur natën e të shtunës së fundit të tetorit.

“Kur e kemi hapur lokalin, ishte dimër, por kishte radhë të njerëzve që prisnin te dera, pavarësisht temperaturës së ulët prej -20 gradësh”.

Francisko ka ndikuar edhe në skenarin gastronomik të qytetit: “Me restorantin tim, janë edhe dy restorante të kuzhinës ndërkombëtare: një indian dhe një italian”. Nja 60 për qind e klientëve të tij janë të huaj, punëtorë të misioneve ndërkombëtare, si ushtarakë të KFOR-it.

Pako, siç e quajnë të gjithë, erdhi në Kosovë me sugjerim të një refugjati të luftës-shqiptar i Kosovës, të cilin e kishte njohur në Spanjë. Ishte dhjetori i vitit 2012 kur Pako kërkoi një ndrysim të jetës së tij, meqë stresi i punës së tij të fundit në Madrid, tashmë e kishte bërë të vetën. Në Prishtinë njohu gruan e tij shqiptare nga Shqipëria, me të cilën u zhvendos në Tiranë ku edhe kishte hapur restorantin e tij të parë.

Fama e Mjeshtrit të Kuzhinës (MasterChef) dhe dhuntia e tij natyrore, e nxitur nga pengesat burokratike dhe neglizhenca e punës që gjeti në Shqipëri (“në krahasim me atje, mentaliteti i punës në Kosovë është shumë më pozitiv”), e detyruan atë të ndërmarrë vendimin e tij të radhës-të lëvizë në Prishtinë. Ndoshta është vendim përfundimtar, ama për një djalë si ai që s’pushon hiç, kurrë nuk është boll.