Fivestar fitness hap qendrën e dytë në Prishtinë

Për shkak të interesimit të madh, si dhe suksesit të treguar me qendrën e fitnesit dhe atletikës në lagjen Arbëria, Fivestar ka hapur qendrën e dytë në Prishtinë, në lagjen Bregu i diellit.

E shënuar me një hapje solemne në lagjen Bregu i Diellit në Prishtinë, gjegjësisht, rruga B, u hap qendra e re e fitnesit dhe atletikës Fivestar. Qëllimi i qendrës Fivestar është që të ju ofrojë klientëve të saj shërbime të kualitetit të lartë. Jeta dinamike e bën të nevojshme kujdesin për përmirësim të kualitetit të jetës personale, zhvillim të kondicionit fizik, largim të stresit, akumulim të energjisë dhe përmirësim të shëndetit.

Një nga pronarët e kësaj qendre u shpreh se “duke e parë interesimin e madh të klientëve në qendrën tonë në lagjen Arbëria, vendosëm që qyetarëve të Prishtinës t’u ofrojmë edhe një qendër të re me pajisje të reja, kualitative, teknologji të fundit, higjienë të lartë dhe hapësire adekuate.” Ai shtoi se shërbimi i Fivestar-it tanimë do të jetë edhe më afër banorëve të Bregut të Diellit dhe do të vazhdojë të jetë në nivel të lartë ashtu sikur edhe janë mësuar klientët.

Qendra e re e cila gjendet në rrugën B, në lagjen Bregu i Diellit ka afro 1000 m2 dhe 120 pajisje moderne të përmasave dhe standardeve ndërkombëtare.

Fivestar njihet për risitë që sjell.  Klientët do të qasen në qendrën e re përmes shenjave të gishtërinjëve dhe në këtë mënyrë do të kyçen në pajisje, garderobë, tusha, etj.  Poashtu, kësaj rradhe qendra e re sjell pajisjet e gjigantit botëror Life Fitness.  Pajisjet posedojnë modulin digjital për numërimin e njësive të ushtrimeve dhe për matjen e kohës së pauzave në mes të ushtrimeve.  Këto pajisje janë të teknologjisë më të fundit moderne që lidhen direkt me aplikacionin LF Connect që mundëson monitorimin e rregullt të lëvizjeve dhe ushtrimeve, djegies së kalorive si dhe përcjelljes së rezultateve direkte në platformën online në internet.   Poashtu, ky aplikacion mundëson që klientet të krijojnë rrethin e tyre me miqtë e tyre nëpër botë duke sfiduar njëri tjetrin në kohë reale sipas modelit të lojërave Playstation.  Në këtë mënyrë klientët shohin njëri tjetrin dhe rezultatet e tyre në ekran dhe kështu mund të motivojnë njëri tjetrin për përmirësime të vazhdueshme.

Që nga fillimi i operimit të Fivestarit, pronarët kanë bërë një investim që tejkalon vlerën prej 1.8 milion euro.

Ekipi profesional përbëhet prej 35 anëtarëve të stafit, përfshirë këtu 8 trajnerë të fitnesit me orar të plotë dhe 12 përgjegjës për higjienë.

Ngjarja u shënua me mysafirë të shumtë, pjesë e së cilës ishin edhe fytyra të njohura nga estrada e Kosovës, nga institucione dhe kompani të ndryshme në Kosovë.

Me hapjen e kësaj qendre të re, arritja e qëllimeve tuaja të fitnesit bëhet edhe më e lehtë!

Artikull i sponsorizuar