Fitore spektakolare e Bashkimit

Sigkos Bashkimi me shumë mund arriti ta mposhtë Pejën në një ndeshje tejet të nxehtë dhe spektakolare me rezultat 73-69, në kuadër të xhiros së 25-të të BKT Superligës së Kosovës në basketboll.

Në palestrën “Sezai Surroi” ishin mbledhur shumë arpaxhikë për ta përkrahur skuadrën e tyre të zemrës dhe për të dhuruar një atmosferë impozante gjatë tërë takimit.

Çereku i parë i ndeshjes ishte i barabartë, gjersa edhe në të dytin u zhvillua pothuajse lojë e njëjtë, me përpjekje të mëdha të të dyja palëve. Pjesa e parë e ndeshjes përfundoi me rezultat 37-40, në të mirë të pejanëve.

Edhe në çerekun e tretë pamë një përballje të fortë të të dyja skuadrave, megjithatë vendasit arritën ta rikthejnë epërsinë në anën e tyre, 56-54.

Në çerekun e katërt u zhvillua një luftë e vërtetë për çdo top edhe pse pejanët e kërkonin fitoren, vendasit treguan vendosshmërinë e tyre për ta fituar këtë ndeshje dhe ia arritën qëllimit të tyre, 73-69.

Kjo është një fitore e madhe e Sigkos Bashkimit, me të cilën siguron pozitën e saj për një vend në play-off.

Rezultatet e xhiros së 25-të në basketboll:

Drita : RTV 21 65-83
Trepça : Sigal Prishtina 73-69
Sigkos Bashkimi : Peja 73-69
Vëllaznimi – Kosova (V) ?-?

/Telegrafi/