Femrat e bukura që i kanë ndryshuar ‘filmat e frikshëm’ (Video)

Filmat horror dhe fantastiko-shkencorë shpeshherë shoqërohen me role të femrave të bukura, ndërsa ndodh që në to të prezantohen edhe aktoret e famshme, të cilat i japin një dimension krejtësisht tjetër këtij zhanri.

Më poshtë përmes videove, Telegrafi ju sjell emrat e bukurosheve hollivudiane, të cilat i kanë shërbyer zhanrit të ‘filmave të frikshëm’ në dekadën e fundit.

Jennifer Lawrence – “House at the End of the Street”

Shtëpia në fund të rrugës në të cilën vendoset vajza me emrin Elissa fsheh një sekret të errët.

 Jennifer Lopez – “The Cell”

Derisa mjekët hulumtojnë mendjen e një vrasësi të rrezikshëm, Lopez mund të jetë e kënaqur për vlerësimin e rolit të saj në këtë film. Nuk është keq për një aktore, e cila në radhë të parë është këngëtare.

Kate Beckinsale – “Underworld”

Në luftën ndërmjet vampirëve dhe ‘ujqërve’, e bukura Beckinsale i takon grupit që pinë gjak.

Scarlett Johansson – “Under the skin”

Ndoshta një film i nënvlerësuar për jashtëtokësorët, mirëpo Johansson krahas karrierës së saj të frytshme filmike nuk lë vend për dëshpërim.

Halle Berry – “Gothika”

Berry ka marrë kritika shumë pozitive për paraqitjen e saj në psiko-horrorin nga viti 2003, “Gothika”, në të cilin luan psikiatren e mbyllur në një spital psikiatrik.

Jessica Biel – “The Texas Chainsaw Massacre”

Ribërja e horrorit nga viti 1973, e ka vënë Bielin në rolin e Erin, e cila përpiqet të shpëtojë nga një vrasës psikopat dhe familja e tij.

/Telegrafi/