Fëmijët e vegjël urrejnë palaçot, ata pak më të rritur kanë frikë nga ata

Lajme të këqija për palaçot, fëmijët e vegjël nuk i duan, derisa fëmijët pak më të rritur i urrejnë ata, kanë vërtetuar shkencëtarët nga universiteti britanik në Sheffield.

Lajmet, të cilat padyshim nuk u shkojnë për shtati palaçove, i kanë zbuluar shkencëtarët e universitetit në Sheffield, që kanë kryer një hulumtim në mesin e fëmijëve britanikë, të cilët kanë pasur për qëllim të gjejnë një zgjidhje për dekorimin e veshjeve të fëmijëve në spitale.

Rezultatet e hulumtimit, të cilat janë publikuar në revistën shkencore, Nursing Standard, kanë dëshmuar se të gjithë 250 pacientët, mes moshës katër deri në moshën 16 vjeçare, në pyetjen e shtruar janë përgjigjur se nuk i donë palaçot, derisa ata më të vjetër në mesin e tyre, janë përgjigjur që palaçot në fakt ua fusin frikën.

“Po tentojmë të gjejmë se çfarë do t’i bënte më të lumtur fëmijët, të cilët për shkak të sëmundjes, duhet që një kohë të kalojnë në objekte spitalore. Kemi dashur të dekorojmë muret me fotografi të vizatime të cilat u pëlqejnë dhe do t’u lehtësojnë qëndrimin në spitale”, ka thënë doktoresha Penny Curtis, një prej shkencëtareve e cila ka marrë pjesë në hulumtim. “Definitivisht kemi përfunduar që fëmijët i urrejnë palaçot”, ka thënë ajo.