Ernest Zymberi zbardh disa detaje të dasmës

Ernest Zymberi është një ndër aktorët më të mirë shqiptar.

Me aktrimin e tij jemi familjarizuar në serialin e mirënjohur “O sa mirë”, ku luan rolin e një afaristi nga Lugina e Preshevës.

“Llukmani”, siç njihet më mirë, tashmë ka vendosur që romancën disavjeçare me Lenën ta kurorëzojë me martesë të veçantë.

Aktori ka zbuluar për Telegrafin disa detaje të dasmës, e cila do të mbahet në qytetin e Gjilanit.

“Dasma do të zhvillohet në ‘Quenn Vali Palace’ në Gjilan dhe do të mbahet më datën 2 shtator”, ka thënë Zymberi.

Ai më tutje ka pohuar se ka përzgjedhur edhe këngëtarin Butrint Rashitin, i cili do të përkujdeset për atmosferën në dasmë.

https://www.instagram.com/p/BSs-zcujv0D/?taken-by=ernestzymberi&hl=en

Zymberi ndër të tjerash pohoi se “në dasmë kam ftuar pos familjarëve, edhe aktorët e serialit, si dhe personalitete të ndryshme të sferës së kulturës dhe artit”.

Ndryshe, aktori tashmë ka zbuluar edhe se si do të duket ftesa që do t’iu dërgohet pjesëmarrësve që dëshiron  t’i ketë në dasmë Zymberi.

Telegrafi do t’iu mbajë të informuar për detaje të reja rreth dasmës së aktorit, i cili edhe në sezonën e ardhshëm do të mund ta shohim sërish te seriali “O sa mirë”.

https://www.instagram.com/p/BXIsHVngrwC/?taken-by=ernestzymberi&hl=de