Erdogan e quan “spiun gjerman” gazetarin e arrestuar

Presidenti turk, Recep Tayyip Erdogan e ka quajtur “spiun gjerman” gazetarin e arrestuar Deniz Yucel. Ai punon për një gazetë gjermane.

Komentet e Erdoganit rrisin më tej tensionet në mes të Ankarasë dhe Berlinit.

“Si agjent gjerman, ky person është fshehur për muaj të tërë në konsullatën gjermane”, ka thënë Erdogan më 3 mars.

“Ne për një muaj kemi thënë na e dorëzoni atë sepse ai duhet të dalë para gjykatës”, ka shtuar Erdogan.

Marrëdhëniet mes dy shteteve janë tensionuar, pasi Berlini është shprehur i shqetësuar me arrestimet pas tentim grusht-shtetit të dështuar në Turqi në korrikun e vitit të kaluar.

Protestuesit në mbarë Gjermaninë kanë mbështetur Yucel, gazetari i cili ka shtetësi gjermane dhe turke. Ai punon si korrespondent nga Turqia për gazetën gjermane Die Welte.

Yucel u arrestua më 27 shkurt.

Përveç se e akuzojnë për spiunazh, autoritetet turke kanë thënë se gazetari i arrestuar ka bërë shpërndarë propagandë të grupit të ndaluar në Turqi, PPK-së, si dhe ka mbështetur lëvizjen e kleriut turk, Fethullah Gulen, të cilin Erdogan, e akuzon se qëndron prapa grusht-shtetit.