Ençev: Petkov mendon se për 6 muaj do t’i zgjidhë problemet me Maqedoninë të cilat nuk janë zgjidhur në 100 vitet e fundit

Vizita e nesërme e kryeministrit Kiril Petkov në RMV është e pavend. Prej pesë ditësh nga zyra e presidentit të Maqedonisë së Veriut, Stevo Pendarovski njoftuan se po planifikojnë takim me organizatën separatiste OMO Ilinden. Kjo është shkelje e Marrëveshjes së Fqinjësisë së Mirë të vitit 2017 dhe një vijë e kuqe e vendosur në pozicionin kornizë të qeverisë sonë nga viti 2019… Kjo është arsyeja e vetme pse vizita e nesërme duhet të shtyhet, tha diplomati dhe ish-ambasadori bullgar Velizar Ençev në një deklaratë për “BNR” .

Sipas tij, problemi kryesor në marrëdhëniet bullgaro-maqedonase është historia e tyre e përtërirë dhe trashëgimia kulturore-historike bullgare e maqedonizuar.

“Të mos mendojmë se me pesë grupe punuese do ta kapërcejmë problemin kryesor. Problemi kryesor është historia. Presioni nga SHBA dhe Evropa është një çështje tjetër, por kjo nuk është asgjë e re nga 70 vitet e fundit. Ne tashmë kemi bërë një gabim të përgjithshëm në vitin 2017, kur u dakorduam për anëtarësimin e Maqedonisë në NATO”, tha Ençev.

“Optimizmi politik i Kiril Petkov kufizohet me naivitetin. Duhet të jesh shumë naiv, të mos njohësh fare historinë, të mendosh se për 6 muaj mund të zgjidhësh problemet që nuk janë zgjidhur në 100 vitet e fundit”, tha diplomati bullgar./Telegrafi/