Emre Can i thotë ‘Po’ Juventusit?

Mediat italiane raportojnë se gjiganti italian, Juventusi, ka siguruar marrëveshjen verbale me mesfushori  gjerman të Liverpoolit, Emre Can.

Mesfushori gjerman do të jetë një futbollist i lirë kur kontrata e tij me Liverpoolin të skadojë më 30 qershor të këtij vitit.

Prandaj, Emre Can është në dispozicion për të negociuar me klubet tjera për të arritur ndonjë marrëveshje paraprake.

Lexo po ashtu E ardhmja e Can do të vendoset brenda 10 ditëve, në Angli, Itali apo Gjermani

Juventusi ka qenë në bisedime të avancuara me përfaqësuesit e Canit që nga muaji janar, por gjatë javëve të fundit kanë nuhatur konkurrencën nga skuadra tjera të mëdha.

Së fundmi, thuhet se për Canin kanë ardhur edhe oferta të reja nga gjermanët e Bayern Munichut dhe anglezët e Manchester Cityt.

Sipas mediumit italian Rai Sport, kontakti i fundit me agjentin e lojtarit e ka lënë Juventusin “shumë, shumë, shumë optimist” se ai do të pranojë transferimin në Torino.

Lexo po ashtu Nëse Juventusit i dështon transferimi i Emre Can, ka tri alternativa tjera

Kushtet e paraqitura nga Juventusi janë një kontratë pesëvjeçare me vlerë prej pesë milionë eurosh në vit – që do të ishte 10 milionë euro bruto.

Ndryshe, Can momentalisht gjendet i lënduar dhe jashtë fushave, duke pasur edhe kohë të mendoj për klubin ku do ta vazhdoj karrierën. /Telegrafi/