Ekspozita e pikturës “Gelibolu” të Sema Bicik-ut në Pejë

Po vazhdojnë aktivitetet e “Yunus Emre Enstitüsü”, Qendrës Kulturore Turke në Pejë. Kjo qendër për artdashësit pejanë sjell piktoren Sema Bicik me koleksionin e saj të quajtur “Gelibolu”.

Hapja e ekspozitës “Gelibolu” do të bëhet më 18 nëntor 2015 ora 18:00 në sallonin e galerisë së arteve në Pejë.

Në hapje të ekspozitës vet autorja do t’i përgjigjet pyetjes Përse Gelibollu? ku do të tregojë se si ka filluar punën në një koleksion të tillë dhe cilat kanë qenë reflektimet e ndikimit nga kjo ngjarje.

Ekspozita për vizitorët do të qëndrojë e hapur nga 18-27 nëntor 2015 në Galerinë e Arteve në Pejë (GAP).

Ekspozita realizohet në përkujtimin e njëqindvjetorit të luftërave të Çanakalasë, e cila do të paraqesë në formë vizuale anën e hidhur të luftës dhe dëshirën për paqe. Gjithashtu në hapje të programit do të dëgjohet edhe një recital i kitarës nga artisti kosovarë Luan Sapunxhiu.

Nga koleksioni i projektit “Gelibolu” vepra e autores me emrin “Chunuk Bair” në vitin 2007 merr çmimin e Ambasadës Australiane.

Piktorja me stilin e pikturimit të saj surrealist vazhdon punën në atelietë e saja në Bejollu dhe në Kanlixha të Stambollit.

Ndërsa njëra ndër përgjigjet e pyetjes Përse Gelibollu?, është kështu: GELIBOLLI “Sepse kuptova se Lufta në Gelibollu të Çanakalasë e vitit 1915 ishte një pikë kthese për kombin turk, ku ushtarët tonë bënë mrekulli duke u bërë ballë kundërshtarëve pavarësisht sfidave dhe kushteve të rënda”.