E harroi vendin se ku e kishte parkuar veturën, prizrenasi e raporton si të vjedhur

Një burrë në Prizren ka raportuar se vetura e tij është vjedhur nga persona të panjohur.

Por automjeti është gjetur i parkuar dhe ka rezultuar se ankuesi ka ngatërruar vendin e parkimit.

Automjeti pas përfundimit të procedurave i është kthyer pronarit legjitim.

Me këtë rast Drejtoria Rajonale e Policisë Prizren fton të gjithë qytetarët që të janë të vëmendshëm gjatë parkimeve të automjeteve të tyre për mënyrën dhe lokacionin e parkimit, pasi që raste të tilla vazhdojnë të raportohen në Policinë e Kosovës.

“Stacioni Policor Prizren me datën 24.02.2024 ka pranuar ankesë nga ankuesi F.A. (viti i lindjes 1988, mashkull kosovar shqiptar) se me datën 23.02.2024 nga persona të panjohur i është vjedhur automjeti të cilin e kishte në shfrytëzim dhe e kishte të parkuar në rrugën ‘’Ali Dida’’ në qytetin e Prizrenit.  Njësiti i hetimeve në konsultim me Prokurorin e shtetit kanë iniciuar rast ‘’Vjedhje e rëndë’’ dhe kanë filluar hetimet. Me datën 26.02.2024 automjeti në fjalë është gjetur i parkuar në rrugën ‘’Sylejman Rrotalla’’ në qytetin e Prizrenit dhe nga hetimet është vërtetuar se ankuesi i lartcekur ka ngatërruar (harruar) vend parkimin e automjetit në fjalë”, njofton policia.