E ardhmja e Majlindës, brenda 10 ditësh

E ardhmja e xhudistes, njëkohësiht sportistes më të mirë kosovare për momentin, Majlinda Kelmendi, pritet që të vendoset shumë shpejtë.

Trajneri i Majlinda Kelmendit, Driton Kuka ka paralajmëruar një konferencë për shtyp të mërkurën, me rastin e kthimit të Majlinda Kelmendit nga Grand Prix i xhudos i mbajtur në Gjermani.

Pos tjerash, në komunikatën për media, Driton Kuka ka konfirmuar se e ardhmja e Majlinda Kelmendit pritet të vendoset brenda pak ditësh, pas një numër ofertash të marra nga shtete tjera për t’i përfaqësuar ato në Lojërat Olimpike, Londra 2012.

Kohë më parë Federata e Xhudos e Azerbajxhanit i ka bërë një ofertë të jashtëzakonshme Majlinda Kelmendit dhe trajnerit të saj Driton Kuka vetëm e vetëm për ta përfaqësuar shtetin nga Kaukazi në Lojërat Olimpike, Londra 2012.

Oferta konsistoi në pagesë mujore prej 5000 euro secili, pa përfshirë këtu bonuset në rast të sukseseve. Kërkesat minimale të Driton Kukës dhe Majlinda Kelmendit janë pagë minimale prej 1000 eurosh. /Telegrafi/