Detaje rreth dasmës së Korab Shaqirit

19 shtatori do të jetë data kur kantautori Korab Shaqiri, do ta kurorëzojë me martesë lidhjen e tij gjashtëvjeçare me të dashurën, Lulkaçela Jashari.

Datën e pati bërë të ditur vetë këngëtari për KTV-në, ndërsa detajet sa i përket ceremonisë martesore janë bërë të ditura për emisionin Express, nga burime të afërta me çiftin.

Një kombinim në mes të tradicionales dhe modernes do të ketë për gjatë 3 ditëve, sa zgjat festa për Korabin dhe Lulkaçelën.

Gjithçka do të nisë më 17 shtator në Burojë të Drenicës.

Do të jetë një mbledhi vetëm me miq të ngushtë të Korabit, të cilët do të festojnë deri në orët e para të mëngjesit me muzikë të vjetër qytetare, duke çuar kështu në vend amanetin e gjyshit të tij, Hazir Shaqiri.

Do të vazhdojë më 18 marrja e nuses në Tetovë dhe asnjëherë duke mos i ikur traditës.

Ani pse më shumë se tri rrugë, Lulkaçelën, Korabi do ta marrë me krushq e bulla.

Festa vazhdon edhe të shtunën e 19 shtatorit, pasi ceremonia kryesore do të jetë me këtë datë.

Ndonëse më parë i kishte dy opsione të ndryshme, dasma do të mbahet në Swiss Diamond në Prishtinë.

Pas pritjes së mysafirëve, gjithçka do të nisë me muzikë klasike dhe koktej, për të vazhduar më pas deri vonë me valle e muzikë.

Për argëtimin e dasmorëve do të përkujdesen këngëtarët: Yllka Kuqi, Linda Hakaj si dhe grupi Korona.

Detaje të dasmës do t’ju sjell emisioni “Express”, menjëherë pas përfundimit të saj. /Koha/Telegrafi/