Dështim pas dështimi për ShBA-në – çfarë nuk po shkon për kombëtaren amerikane?

Shtetet e Bashkuara të Amerikës po vazhdojnë të kenë një ecuri të keqe në garat ndërkombëtare. Pas dështimit për të arritur Kupën e Botës në vitin 2018 në Rusi, ata tani ka dështuar për t’u kualifikuar edhe në Lojërat Olimpike në Tokio, pasi pësuan disfatë 2-1 ndaj Hondurasit.

Pavarësisht se kanë patur brezin e tyre më të madh të talenteve, ShBA ka dështuar të bëjë atë që kishin synuar të bënin. Megjithatë, nuk është dështimi i tyre i parë apo edhe i dytë. Ata gjithashtu arritën të eliminohen në Londër në vitin 2012 dhe Lojërat në Rio në vitin 2016 gjithashtu.

Çuditërisht, Honduras janë shfaqur në mënyrën e tyre perfekte më shumë se një herë. Ishte ekipi i pikërisht Hondurasi që i mbajti ata larg nga Rio dhe tani Tokyo.

Londër 2012

Në rrugën e tyre drejt Olimpiadës, SHBA ra në grupin e tyre që përbëhej nga El Salvador, Kanada dhe Kuba, duke përfunduar me vetëm katër pikë.

Rio 2016

Duke udhëhequr grupin me nëntë pikë, ata dukej se ishin në rrugën e tyre për në turne, pasi kishin mundur Kubën, Kanadanë dhe Panamanë. Por, ata u takuan me Hondurasin në gjysmëfinale dhe humbën 2-0.

Tokio 2020

Rruga e tyre drejt Olimpiadës në Tokio përfundoi kundër të njëjtëve kundërshtarë. Ata përfunduan të dytët në një grup me Meksikën, Kosta Rikën dhe Republikën Dominikane, por përsëri humbën në gjysmëfinale. /Telegrafi/