Delegacioni qeveritar për vizitë në Çeki, do të merr pjesë në panairin ndërkombëtar inxhinierik

Delegacioni qeveritar i udhëhequr nga zëvendëskryeministri për Çështje Ekonomike Koço Angjushev sot dhe nesër do të qëndrojë për vizitë në Bërno, Çeki, ku mbahet Panairi inxhinierik ndërkombëtar, i cili ëshë njëri nga panairet më të rëndësishme industriale në Evropën Qendrore.

Delegacioni qeveritar, në përbërje të të cilit janë edhe ministrja e Investimeve të Huaja Zorica Apostolska, ministri i obliguar për Përparim të rregullores për kompanitë vendore Hisen Xhemaili dhe drejtori i Drejtorisë për zona zhvillimore industriale Aleksandar Mlladenovski, do të realizojnë më shumë aktivitete në suaza të panairit.

Sipas agjendës, është planifikuar takim me zëvendëskryeministrin çek dhe ministër për Industri dhe Tregti Karel Havliçek, ndërsa delegacioni qeveritar do të marrë pjesë edhe në forumin e biznesit përkushtuar mundësive për investime në Republikën e Maqedonisë së Veriut. Do të realizohen edhe shumë takime me kompanitë të cilat do të prezantohen në panair.

Panairin, siç është paralajmëruar, do ta hapë presidenti çek Andrej Babish.

Panairi inxhinierik ndërkombëtar në Bërno është panairi më i rëndësishëm industrial në Evropën Qendrore, në të cilin ekspozohen rreth 1600 kompani, ndërsa është vizituar nga mbi 80 mijë persona. Rreth 50 për qind e ekspozuesve vijnë nga Çekia, ndërsa pjesa tjetër janë kompanitë nga Evropa dhe vendet tjera të zhvilluara.